ياسين الجهوري
القصيدة الحاصلة على الرتبة الاولى في صنف الزجل
عرس لحروف
كنتم في مستوى الانتظارات ...بنصوصكم الرمزية ..وكثافة حضوركم ..نسجتم إزار السجال محبة عارمة .. اعتليتم بهاء الشغف والتطلعات ..
نشكركم جزيل الشكر ..ونتمنى لكم رحلة موفقة في دروب الإبداع والتميز .
وفي انتظار سجال آخر .. لكم منا كل التحية والتبجيل
رمضان كريم وكل عام وأنتم بحرف جميل
عرس لحروف
بْسْمْ لْهَادِي يْهْدِينِي
وْلْعَنْتْ بْالله إِبْلِيسْ
وْصْلاة مُحَمَّدْ تْرقيني
وتخلي لساني سليس
رَاغْبَات دْوَاخْلْ تْخْمِينِي.
تْبْرّْزْ بْلْحَرْفْ عْرِيسْ
وْتخْصُّو لْيُومْ بْتْدْوِينِي.
نْزْهَى فْبْهَاهْ وْنْقِيسْ.
سْنِينْ وْلْحَرْفْ مواسيني
وْلْكْلْمَة لِيَّا وْنِيسْ
وْلْبُوحْ سْكْنِّي وْيْرْقِينِي
بْشَهْدْ لْكْلاَمُ النْفِيسْ
البُوحْ بْسَاطُ يْخْلِّينِي
نْهْجْرْ لْمْكَانْ جْلِيسْ
خْلاَّنِي طْفْلْ أُسْبْعِينِي
بْمِْيزَانْ لْحْكْمَة نْقِيسْ.
خْلاَّنِي بْدْوِي وْمْدِينِي
لعموم الناس جليس.
حَرْفِي يْضَحَّكْنِي يْبْكِّينِي
بين الفْرْحَانْ والْتْعِيسْ
فْبْحُورُ لْكْلْمَة تْرْوِينِي
حرفي خلاني هويس
نْفْرَحْ للفْرْحَة وْتْرْمِينِي
فْهْمُومْ النَّاسْ نْغِيسْ
نْدَاوِي جْرُوحْهُمْ بْأْنِينِي
وْنْخْسّْسْهَا تْخْسِيسْ
وْتْبْقَى قْصايْدِي فْعْوِينِي.
طَامْسَا لْهْمُومْ طْمِيسْ
وْيْبْقَى لْحَرْفْ مْوَاسِينِي
وْلْكْلْمَة لِيَّا وْنِيسْ
ياسين الجهوري.
تعليقات
إرسال تعليق