القصائد الحاصلة على المرتبة الثالثةة

Kabira Chab

كبيرة شاب

29 ركبنا لهوال وفات الحال
كلشي حزين أنسى ورجال
الصغار ضاق بهم الحال
اخلاص الشباب همهم طال
كلشي تبدل وتكدر البال
الأم والأب بحال بحال
ريهم ما بقى ري واكحال
لغدر لفقر منهم شحال
تعيى تغربل بلغربال
اشحال من حروف ك لجبال
ومداد كيف الدموع سيال
بقلامها سيوف في ارجال
وانساها معهم ك لخيال
يد واحدة صاحو اشحال
آش من عيشة فيها الإنسان
الحرب ريبت كل لوطان
وزاد شر الناس ف لهبال
كون ما لحروف ردت البال
كتبت وصفت رسمت الحال
من امحاين وجراح وهوال
كولوا معاي يا ربي تهدينا 
تصفى لقوب وزيان الحال 
الله أصيب ولسان يتوب 
من السبان و القيل والقال
كلشي يتصالح وتقاد الميزان

يزيد علوي الاسماعيلي

30 جا ايْهَنّي ويْباركْ
حامَل مشْموم الوردْ
صابَغْ الضّحكة
ناقَشْ الكذْبة
يْمَصّْ ف الحامضْ
خَذْلاتو كلمة مبروك
ف حَلْقو عَلقَتْ
أعْزَفْ الحِقْدْ
يدّو رَجْفَت
عْيونو رقْصَتْ
طَلّْعَتْ ب قامْتي ونَزّْلتْ
عامَلْ فَرحانْ يْصَفَّقْو ماكِيفوحَدّْ
قَلبو معْصور ينزَفْ بالسَّم
ناري بْغى يوقفْ
كَلمة (يَخّْ) على طَرفْ لسانو زَغَّردَتْ
عيون الحاقَدْ ياناس يَنْبوع احْسَدْ
مايَروي المحبَّة بالصّدق
ف عزّْ الفَرحة يَتْمنّى يْعزّيك
وفْ عزّْ المحنة يهْرَبْ ويضحك
وعيون الصافية بالحب تبرق 
يَنْبوعها شلال إخلاص يْرَقْرق