**وعدتيني **
شحال وعدتيني يا ليام
وما وفيتي بوعدك
وعدتيني بشلا أحلام
شلا كلام
واليوم كفيتي
والريح ف ساحتي يدردك
وشكون يتلام
أنا ولا أنت
ظنيتك رفيقتي
زاد عمري
وشمس ل ظلي
غدرتيني وعلي تخليتي
وفلحظة
غاب النور ف الظلمة
شردت عيني
وطواني اسكات
سمعت أنفاسي
تتنخصص
تلهث أنفاسها
تكبني اشتا
وتڭلبني ف مواج الذات
لقيتني نغطس فيا
ننبش ف دواخلي نبشات
نقلب على نبضة
تنبضني
تعطيني حقي ف لحياة
وفاء أم حمزة ج
تعليقات
إرسال تعليق