عبد السلام البعليوي
1 h
هوما هوما
هُومَا هوما ماكَرو للي دَروني فنَسْيَانْ
انْسَاوْ الرَّفْكة وطْعَامي ومْكَاني
هُوما هوما للي اضْحَكت ليهمْ وخ غَضْبَانْ
كلْ واحَدْ ايْحمَرْ فيا كن كاعْ مَا القاني
*******
مَا حنو ماعَطْفو قَلبهمْ جْفلْ بلْهَجْرانْ
يَوم نَتْفَكرْ افْعالْهم وانْكولْ اشْ الداني
انْعَاشَرْ منْ لا ليهمْ تْرابي قُوْم النَقْصانْ
لانية لاصْدق نْفَضَلْ انعيشْ وَحْداني
*****
يَامَا فخيري عاشو ؤوَفيتْ الميزانْ
لاَخيرْ لاَمْزَازْية ؤوصَهْدهم كْواني
تَحْرَمت واكْسيتْ واصبَحتْ انا عَرْيانْ
واشْ لخيرْ اتْصيبو فْعيبْ ازْماني
*********
مَنْ سَنَّدْتي عليهْ تَلْقا حِطُو سَكْرانْ
يقولْ راسي راسي والباقي مَا شَكْماني
لامْعاملة تْفرحْ وشْريكْ برزْقكْ هَرْبانْ
لاَعْدَلْ تْوَجدو لاَحَقْ انْضَرْتو بَعْياني
*******
لاحْيا لااخْلاقْ السيبةْ سارْحة فطَرْقانْ
منْ انْهى و تْكلَم عْكوبتو لْعَصْياني
شَتي ؤمَازالْ تْشوفْ فزْمانْ الزَرْبانْ
لْفَتوى ؤلَمْلاجة كِيفْ لَوَلْ كيفْ الثاني
********
يانْدامتْ حظي ومكتوبي وسطْ هاد الطوفان
درتْ النية وبْسَطْ خدي ومَاهُمْ زْواني
منْ صَغْري نكولْ اليومْ يخْمدْ هادْ البَرْكانْ
اشتغفرت الله اشتغفر الله واسم الله كفاني
******
حدْ باسي ياربي وعوضْ لي بالغفرانْ
لاتْكَلْني لْغيرْ بعْفوكْ ثقَلْ ميزاني
ياكْ بيبانك مَفتوحة يا لكريم المنانْ
تْوجَهت ليكْ بحَرمتْ سيدْ لعبادْ لْعدْناني
*******
مَاني مْوَدَرْ فالبهجة توجدْ العَنْوانْ
بوعليوي فيلالي سَالْ السَّاكنْ ولبراني
اختمت ابْياتي ومازال ما فلبال يْبان
الى جادْ العاطي يمْطَرْ وثْمرْ غلتْ جناني
البعليوي عبد السلام
تعليقات
إرسال تعليق