زمن الجوال
مْشى لَكْلام مع ناس زْمان
ناس الحكمة... قْوافي و بْيان
ؤ دار الزمان ؤ تْبدل الحال
الكَتْبة صْبَع فْ لَوحة جَوَّال
ؤ فارق لَقْلم صْوابع ؤ بْنان
ؤ صْبَح الحرف في خبر كان
تْغَرْبات الكلمة ؤ تَلْفَت لَقْوال
بِين مَن هُو سمسار او دلاّل
ؤ ضاع لَوْصال ؤ طالو النسيان
و تْنكر الانسان لْخُوه الانسان
طْغات المادة وكُلْشِي بالمال
وتْفَقْدات قِيمَة الافعال
مْع الجوال ضاع الحنان
ؤعادْ كُلْها وَحْدو فْ مْكان
لا من يْسوَّل لا من يْسَال
ضاَعْت العِيلَة ؤ الوَلْف دْبال
تْغَرّب حَالنا وسط العَدْيان
ؤ مَا نَاشْ فَاهَم لِحَدّ الآن
ؤ زاد العالم قَاصُو لَهْبال
حْروب ؤ فِتن ؤ خْبَال
تْهدمت سوريا و ضاع اليَمن
وتْقسْمت ليبيا و السودان
فَرَّطْنا فْ الدّين ؤ قَلّ الايمان
تْرَكتا التسبيح ؤ حْمَلنا جوال
حتى من تَمِيم حاصرُو سَلْمان
ؤ كُلْشي تحت رَاسْ المَارِكان
علوي اسماعيلي يزيد
تعليقات
إرسال تعليق