القصيدة في صنف الزجل:
العنوان: منك ؤ بيك
فجنان هذ العزيب
نبثت وردات
من حبق ؤ سوسان
تسمعوا تزغريتات
مدت يد الحنا
طالبة تعيش الهنا
ومن جوف ذاك الليل
اتعصرت أيام السهير تنهيدات
ركبت بحر العز
وفي ديك المواج
طل راس الذل
والزهر مرة يتكاااد
و مرة يعواااج
والغياام دااك الغيام
اللي فالصفا بان
طالب يسقي
من المحبة فدان
حرثي وزرعي
بولادك غد ليام تزيان
ياللي من جوفك
تصرفت عيوط الزمان
دخلتي للتاريخ
بشلا لوان
ؤ بشلا مقام
كافحتي وفالجهاد شاركتي
گداش فعيني كبيرة
ؤگداش يا هذ المرة
على الدنيا صابرة
ولدوير الزمان
راك حافظة
ومن حرير القلب
غزلتي جيل
موشوم بزين الأخلاق
واش يكون الراجل
بلا بيا يا المرة
غير خردة
ريحة الصدااا منها فاح
ؤ ميزان بصروفوا طاح
بقلم : سكينة برناك
تعليقات
إرسال تعليق