حر الكية
*********
جدبات المجدوبة
على ديك الحفرة المحفورة
تمرغات فتراب الزمان
وتغوت أجوادي
عليكم الأمان
راه القلب مكوي من زمان
وحرت الكية
ف قهاوي السواق مشوية
والشعر تنتف
ولكدم تحفر
ؤ مابقات وصية
جدبات المجدوبة
تاهت بين السدات
ولبسات لخظر
وندبات وقالت
ها عار اسيادي علاش الغدر
خليتوني دايعا
حتى تقدا الصبر
ولدي طج حتى داه البحر
ؤما بقات عندي لادار
فداك الدوار
جدبات المجدوبة
ودات المرفودة
ؤبقات حكايتها مسموعة
تعليقات
إرسال تعليق